މާޒިން
މުހަންމަދު މައިސޫން މޫސަ
މާޒިން
މުހަންމަދު މައިސޫން މޫސަ
ފްލައިޓް މަޑުމަޑުން އިބްރާހިމް ނާސިރު އިންޓަނޭޝަނަލް އެއާޕޯޓައް
ޖައްސަނީއެވެ. ފްލައިޓުން ފޭބުމައް މާޒިންހުރީ ކެއްމަދުވެފައެވެ. އެހެންވެސް
ވާނެތާއެވެ. އުމުރުން 24 އަހަރުވެފައިވާ މާޒިންއައް މިއަދު އޭނާގެ ވަޒަނައް
މިއާދެވެނީ ބޭރުގައި މެދުނުކެނޑި 14 އަހަރު އުޅުމައްފަހުގައެވެ. އޭނާގެ ބައްޕައާއި
މަންމަ ވަކިވުމައްފަހު އޭނާ ދިރިއުޅެމުންދިޔައީ އޭނާގެ މަންމައާއިއެކީ
ޖަރުމަނުގައެވެ. އޭނާއަކީ ޖަރުމަނުގެ އަންހެނަކަށާއި މާލޭގެ މުއްސަނދި
ފިރިހެނަކައް ލިބުނު ހަމައެކަނި ދަރިއެވެ. އެހެންކަމުން ދަރިފުޅުދެކެވީ ލޯބި
ދެމީހުން ވަކިވުމައްފަހުވެސް ފައިސާއާއި އެހެނިހެން ގޮތްގޮތުން އޭނާގެ ބައްޕަ
މުހަންމަދު އިބްރާހިމް ދެމުންދިޔައެވެ. ނަމަވެސް ބައްޕައާއި ވަކިން ދުރުގައި އުޅެންޖެހުމުން
ބައްޕަގެ ލޯބިން ގާތްގަނޑަކައް މަހުރޫމްވެފައިހުއްޓޭ ބުންޏަސް ދޮގަކައް
ނުވާނެއެވެ.
ކޮންމެއަކަސް
އެއާޕޯޓުގައި ބޯޓު ޖައްސައިފިއެވެ. އިމިގްރޭޝަންގެ ކަންކަން ނިންމުމައްފަހު
އެރައިވަލްސްއައް ނިކުތީ މުޅީންވެސް އެހެން މާހައުލަކަށެވެ. އުމުރުން އެންމެ 10
އަހަރުގައި މާލެ ދޫކޮއްލިއިރު އެ މާލޭގައި ހުރި ގޮތް ގައިމުވެސް މިއަދު
ބަދަލުވެއްޖެއެވެ. ތަރައްގީ އައިސްފައިވަނީ ހުރިހާ ދިމާއަކަށެވެ. ވަރައް ފުރިހަމަ
އެއާޕޯޓެއްގެ ތެރެއިން އެކިމީސްމީހުން ބަލައި އައިސްފައިތިބިމީހުން މަރުހަބާ
ކިޔަމުންދާއިރު މާޒިންއައް އޭނާ ބަލައި މީހަކު އައިސްފައި ހުރިތަނެއް ނުފެނުނެވެ.
އެހެންކަމުން އެއީ އެހާ ބޮޑު ކަމަކައް ނަހަދައި ފެރީއައް އަރައިފިއެވެ. އަދި
ހަމަޖެހިލައިފިއެވެ. ދެން ދިޔަ 10 ވަރަކައް މިނެޓް ދިޔައީ ހިތްހަމަޖެހޭފަދަ
ވައިޖެހެމުންނެވެ.
މާލޭގެ
މަލަމަތި ވަރައް ފުރިހަމައެވެ. އެކިކަހަލަ އުސް އިމާރާތްތަކުން ޖަރީވެފައިވާ މާލެ
ރޭގަނޑު ފެނުމުން އަދި މާ ފުރިހަމައެވެ. ބަލާލައިގެން ހުރެވިދާހާ ފުރިހަމައެވެ.
ކޮންމެއަކަސް 10 މިނެޓް ނިމި މާލެ އައް ދޯނި ލަފައިފިއެވެ. ގަޑީން މެންދަމު 2
ޖަހައިފިކަމުން އެގަޑީގައި މީހަކުފެންނަނީ ވަރައްވެސް މަދުންނެވެ. ނަމަވެސް
ލޯބިވެރިން ޖޯޑު ޖޯޑައް ހިނގާލަން ދާތަން ފެނެއެވެ. މާލެއައިސް ދެންކުރަންވީ
ކަމެއް ނޭނގިފައި އެތައް އިރަކު ހުރެެވުނު ފަހުން އެތަނައް އައި މީހަކު މާޒިން
ގާތު އެއްސެވެ. "މޭ އައި ހެލްޕް ޔޫ ސާރ!! ވަޓް ޓައިޕް އޮފް ހެލްޕް ޑޫ ޔޫ
ނީޑް؟؟" އެހެން ބުނެލިހާތަނުން މާޒިންއައް އެމީހާއާއި ދިމާލައް
ބަލައިލެވިއްޖެއެވެ. އަޑުން ކުޑަކުޑަ ޝައްކެއް ވީ ނަމަވެސް ފެނުމުން ޔަގީންކަން
ލިބިގެންދިޔައީ އެއީ މިލްހާކަމެވެ. ނަމަވެސް ކުރިމަތީގައި ހުރި ޓުއާ ގައިޑް
ކުއްޖާއައި މިއީ ކާކުކަމާއި މިއީ ދިވެއްސެއްކަންވެސް ނޭނގުނެވެ.
އެވަގުތު
މާޒިންގެ މާޒީގެ ސޮފްހާތަކުގެ ތެރެޔައް ގެނބިގެން ދިޔައީ ކުއްލިގޮތަކަށެވެ. އޭނާގެ
އެއްވެސް އިހްތިޔާރެއް ނެތިއެވެ. އެއީ މީގެ 7 އަހަރު ކުރިއެވެ. މާޒިން އޭނާގެ
އޭލެވެލްގެ ފަހު އަހަރުގައި ކިޔެވުން ފެއްޓިތަނާހެން އޭނާގެ ކްލާހައް އާކުއްޖަކު
ވަނެވެ. އެއީ ދިވެއްސެއްކަން އަދި އޭރަކު ނޭނގެއެވެ. މި ކުއްޖާއަކީ ކުދިންނާއި
އެހާ ނުގުޅޭ ކުއްޖެކެވެ. އެއާއި ހިލާފައް މާޒިންއަކީ އެންމެންނާއިވެސް ގުޅޭ
ކުއްޖެކެވެ.
ކްލާސްތެރޭގައި
މަޑުމަޑުން އިނުމުގެ އިތުރައް ކްލާހުން ބޭރުގައިވެސް އިންނަނީ ކޮންމެވެސް
ފިކުރެއްގައެވެ. އަބަދުމެ އިންނަނީ ކޮންމެވެސް ކަމަކައް ގެއްލިފައެވެ.
މާޒިންއައްވެސް އަބަދުމެ އިންނަނީ މިލްހާއައް ގޮސްނިމިފައެވެ. މިއީ ކުރިން
އޭނާޔައް ދުވަހަކުވެސް ވީ ކަމެއް ނޫނެވެ. އަންހެންކުދިން ނަކީ ކާލާ
މެޓައެއްފަދައިން ހޯދަމުން އައި ކުއްޖަކައް މި ފެނުނު ކުއްޖެއްގެ ސަބަބުން މިވަނީ
ކިހިނެއްކަން އެއީ އެކުވެރިންނައްވެސް ވަރައް ބޮޑު ފިކުރަކަށެވެ. އެއްދުވަހެއްގެ
މެންދުރެވެ. ކެންޓީނު ލައިނުގައި މާޒިން އިނީ ކާއެއްޗެހި ގަންނާށެވެ. މިލައިނަކީ
ވަރައް ފިތިފައިވާ ލައިނެއްކަމުން ގުޑިލާއިރައްވެސް ވެއްޓުމުގެ ފުރުސަތު ވަރައް
ބޮޑެވެ. ކާއެއްޗެހި އަޅައިގެން
އެނބުރިލިތަނާ.................................................
No comments:
Post a Comment