ހިތް އަދު ރޮނީޔޭ
މައިސޫން މޫސާ
ފެންވަރާލައިގެން ޝަހުމް އެނދުގައި ޖައްސާލީ ނިދާލުމަށެވެ. އެހެނަސް، މިރޭ ނިންޖަކީ އޭނާ އާއި މުޅިން ރުޅި އެއްޗަކަށް ވެއްޖެއެވެ. ކުއްލިއަކަށް ސިފަވަމުން ދިޔައީ، ނީޒާ އެހެން ފިރިހެން ކުއްޖެއްގެ އަތުގައި ހިފައިގެން އިން މަންޒަރެވެ. ހަމަ އެއާއިއެކު އޭނާއަށް ފުރަތަމަ ނަޒަރުން، ނީޒާދެކެ ލޯބި ވެވުން ގޮތްވެސް ސިފަވަމުން ދިޔައެވެ.
.އެއީ އޭނާގެ 16 ވަނަ އުފަންދުވަހުގައި ލެމަންގްރާސްގައި، އާއިލާގެ ފަރާތުން އޭނާއަށް ސަޕްރައިޒް ޕާރޓީއެއް ދިން ދުވަހެވެ.
……
ނީޒާ އަށް އެ ޕާރޓިއަށް އާދެވުނީ، ޝަހުމްގެ ދެބެންގެ ދެދަރި ކުއްޖެއް ކަމަށްވާ މާލް، ނީޒާ އަށް އެތަނަށް އައުމަށް ދަޢުވަތު ދިނުމުންނެވެ. ދެމީހުން ފުރަތަމަވެސް ދިމާވީ، ޝަހުމްގެ ގަމީހަށް ކޯކް ތައްޓެއް ބަންޑުންވެގެން، އެތަން ދޮވެލުމަށްޓަކައި އެތަނުގެ ވޮޝްރޫމަށް ވަދެހުއްޓައި، ނީޒާއަށްވެސް އެތަނަށް އާދެވުމުންނެވެ.އެރޭ ނީޒާ ލައިގެން ހުރީ ރަތާއި ކަޅުންހުރި ވަރަށް ރީތި ޕާރޓީ ހެދުމެކެވެ. ކުރުކޮށް ކޮށާލެވިފައިވާ ފަން އިސްތަށިގަނޑުގައި ވަނީ ރީތި ގޮތަކަށް ބޭންޑެއްހެން ކުދި ރަތްކުލައިގެ ހިތުގެ ބައްޓަމަށްހުރި ދަތި ތަކެއް ޖަހާލައިފައެވެ.
“އަޅޭ…ދެން ހަމަ މިހެދުމަށްތަ އެކޯކްތަށިވެސް ބަންޑުންވާންވީ….؟” ނީޒާ ކުދި ކިޔަމުން އޭނާގެ ހެދުމަށް އެޅިފައިވާ އެއްޗެހި ސާފުކުރަމުން ދިޔައެވެ. މިއަޑަށް ނީޒާއާއި ދާދި ކައިރީގައި ހުރި ޝަހުމް އަށް ފުރަތަމަ ބަލައިލެވުން ގޮތަށް ނީޒާ އެތަނުން ދިޔައިރުވެސް އެދިމާލަށް ބަލަން ހުރެވުނީއެވެ.
ހާދަ ރީތި ކުއްޖެކެވެ. ލޯބި ލޯބި ލޮލަކާއި ވަށް މޫނެކެވެ. ހިމަތޮޅި ހަށި ގަނޑެކެވެ.މިހެން ކިޔާނެ ކަމެއް ނެތެވެ.
ރީތި ހުސްކޮށްގެން ހުރި ޕަރީ އެކޭ ދެންމެ ފެނުން ކުއްޖާއެކޭ ޝަހުމް އަށް ތަފާތެއް ނުކުރެވުނެވެ. އަވަހަށް ކުރަން ދިޔަ ކަންތައް ނިންމާލުމަށް ފަހު ޕާރޓީ ތެރެއަށް އޭނާ ދިޔައީ އެފެނުން ކުއްޖާ އެތަނުން ފެނިދާނެ ކަމަށް ހީކޮށްގެނެވެ. އޭރު އެންމެން “ޓްރުތް އޯރ ޑެއަރ” ކުޅުމަށްޓަކައި ތައްޔާރު ވަނީއެވެ.
ދަރިފުޅާ. އާދެބަލަ މަންމަ ކައިރިއަށް. ބަލާބަލަ މިތިބީ ކޮންކުދިންނެއްކަން ދަރިފުޅަށް އިނގޭތަ؟” ޝަހުމް އަށް އެތަނަށް އާދެވުން ތަނުން އޭނާގެ މަންމަ އޭނާއަށް ގޮވާލީ އެ ޕާރޓީ ތެރެއިން ޝަހުމް އަށް އަދި މިހާތަނަށް ނުފެންނަ ދެ މީހެއް ކައިރީ ހުރެގެންނެވެ.
“ބަލާބަލަ ޝަހުމް، މިތިބީ ދަރިހުފުޅު ކުޑައިރު އެއްކޮށް ކުޅެން އުޅުން ކުދިންނެއްނު. އެއްކަލަ ސޯލިޙްބޭގެ ނީޒާއާއި ނާހީ މިތިބީ. ސަލާމް ކޮށްލަބަލަ” ޝަހުމް ޙައިރާންވީ، އިރުކޮޅެއްކުރިން އޭނާއާއި ދިމާވި އަންހެން ކުއްޖަކީ އެތަނުން ނީޒާއަށް ވީމައެވެ.
“ހާއި…” ޝަހުމް ވަކިވަކިން ފަހަރަކު މީހަކާއި ސަލާމް ކުރުމަށްފަހު ނީޒާއަށް “ހައި” އަޅާލިއެވެ.
ނާހީއަކީ ޞޯލިޙްގެ ފިރިހެން ދަރިފުޅެވެ. މަންމަ ކިޔަދިން ވާހަކަތަކުން އިނގުނު ގޮތުގައި އެ ޢާއިލާއަކީ މަންމަމެންގެ ވަރަށް ގާތް ބައެކެވެ. އަދި ކުޑައިރު ނީޒާއާއި ޝަހުމް އަކީ އެއްކޮށް ކުޅެންއުޅުން ކުދިންކަމަށާއި އެންމެ ތިން އަހަރުގައި ވަކިވެގެން ލަންކާއަށް،ޢާއިލާއާއި އެކު ބަދަލުވާން ޖެހުމުން ދެމީހުންވެސް ވަރަށް ރޮއެ ހެދި ކަމަށް ވިއެވެ.
ދެޢާއިލާގެ ބޮޑުން ހީވަނީ އުފަލުން އެހެން ކަމެއްވެގެން އުޅޭހެންނެވެ. ނީޒާމެން މިފަހަރު މާލެ ބަދަލުވީ އެއްކޮށެވެ. މި އިވުން ޚަބަރުން އެހާ ޅައުމުރުގައިވެސް ޝަހުމްގެ ހިތުގައި ނޭނގޭ ރާޅުބާންޏެއް ހިނގައިލިއެވެ.
އެދުވަހުން ފެށިގެން ދެކުދިންގެ ގުޅުން ދިޔައީ ދުވަހަކަށްވުރެ ދުވަހެއް ބަދަހިވަމުންނެވެ. ފޭސްބުކްގެ ޒަރީޢާއިން ވާހަކަ ދައްކަމުންގޮސް ޝަހުމް އޭލެވެލް ނިންމައިލި އަހަރު ނީޒާއަށް ލޯބި ހުށަހެޅީ އެ ހިތުގައިވި އެއްޗެއްވެސް ސާފުކޮށް އެނގިހުރެ، އެދެވޭ ޖަވާބު ލިބޭނެ ކަމުގެ ފޮނި އުއްމީދުތަކާއި އެކުގައެވެ. އޭރު ދެކުދިން ކިޔަވަމުން އައީ އެއްކްލާހެއްގައި ކަމުން، އެއްކޮށް ގިނަވަގުތު ކިޔެވުމުގެ ކަންތަކުގައާއި ހުސްވަގުތުތަކުގައި ހޭދަކުރެވެމުން ދިއުމުގެ ސަބަބުން ނީޒާގެ ހިތުގައިވެސް ޝަހުމްއަށް ލޯބި އުފެދުނީއެވެ.
ނަމަވެސް ދެކުދިން ވެސް އުޑާއި ބިމާ ހައި ތަފާތެވެ. ޝަހުމް އަކީ ހިތްތިރި، ސާދާ ކަންކަމަށް ލޯބިކުރާ ކުއްޖަކަށް ވީއިރު، ނީޒާ ހާސްބައިތަފާތެވެ. އަގު ބޮޑެތި، ރިތި އެއްޗިއްސަކީ، ނީޒާ ލޯބިކުރާ އެއްޗިއްސެވެ. ޝަހުމް އޭނާ ކައިރިއަށް ދާއިރު އަބަދުވެސް މާ ބޮނޑިއެއްގެ ގުލްދަސްތާއެއް އޮންނަން ޖެހެއެވެ. ރަށްޓެހިންނާއިއެކު ކާރު ބުރު ޖަހަން ދިއުމާއި، ރިޒޯރޓް ތަކަށް ދިއުމަކީ އެނާ މުނިފޫހި ފިލުވަން ކުރާ ކަންތަކެވެ. މިކަންކަން ރަނގަޅު ކުރަން ކިތަންމެ ވަރަކަށްވެސް ޝަހުމް ބުނެއެވެ. އެހެނަސް، އެއީ ފޫނެތް ފަޔަށް ފެންފުރުން ފަދަ ކަމެކެވެ. ހަމަ އެއާއި އެކު ނީޒާދެކެ ވާ ލޯތްބެއްގެ ބޮޑު ކަމުން އޭނާ ނުރުހޭނެ އަދި ދެރަވާނެ އެއްޗެއް ނުބުނަން އަބަދުވެސް ޝަހުމް ހިތްވަރު ކުރެއެވެ. އެއީ ބަލި ކުއްޖަކަށް ވިމައާއި އެކުމެއެވެ.
…………………………………………………………………………………………………….
ގަޑިން އަށްގަޑިބައި ހާއިރު، ޝަހުމް ނީޒާމެންގެ ގެއަށް ދިޔައީ މިއަދަކީ ޝަހުމްއެ އުފަން ދުވަސްކަމުން މިރޭ ޚާއްޞަ ގޮތަކަސް ފާހަގަ ކޮށްލަންކަމަށް ނިންމައިގެންނެވެ. އަނގައިން ރީތި ލަވައެއްގެ މިޔުޒިކް ޖަހަމުން ގޮސް ނީޒާމެންގެ ގެއަށް މަޑުމަޑުންވަނީ ނީޒާއަށް ސަޕްރައިޒްއެއް ދިނުމުގެ ގޮތުންނެވެ.ކަންތައްވީ ދިމާ އިދިކޮޅަށެވެ. ސަޕްރައިޒް ލިބުނީ ޝަހުމްއަށެވެ. އެގޭގެ ސިޓިންގ ރޫމްގައި ހުރި ސޯފާ ގޮނޑިއެއްގައި ހަތާވީހަކަށް އަހަރުގެ ފިރިހެން ކުއްޖަކާއި އަތާއި އަތް ޖޯޑު ކޮށްލައިގެން އެ އިނީ، އޭނާގެ ދެލޯ ފަދަ ލޯބިވާ ނީޒާއެވެ. ކުރިމަތީ ހުރި ސޯފާގައި ނީޒާގެ މަންމައާއި ބައްޕައާއި އެޢާއިލާގެ ބައެއް އެހެން މެމްބަރުން ތިއްބެވެ. ނުދަންނަ އެހެން ބަޔަކުވެސް ތިއްބެވެ. ނީޒާ ރީތި ވެލާފައި އިން ވަރުން ހީވަނީ ވަރަށް ބޮޑު ޙަފްލާއަކަށް ދިއުމަށްޓަކައި ތައްޔާރު ވެގެންއިން ހެނެވެ. ހުދު ކުލައިގެ ޕާރޓީ ވައްތަރެއްގެ ހެދުމުގައި ނީޒާ ހީވަނީ ބަގީޗާއެއްގައި ފޮޅިފައި އިން މަލެއްހެންނެވެ. ޝަހުމް އަށް ހީކުރެވުނީ އޭނާގެ އުފަންދުވަހުގައި އޭނާއަށް ސަޕްރައިޒެއްގެ ގޮތުގައި ނީޒާމެންގެ އާއިލާ މީހުން ކައިރީ އެމީހުންގެ ގުޅުމުގެ ވާހަކަ ދެއްކުމަށް ރެޑިވެގެން އިންކަމަށެވެ.
އެހެންނަމަވެސް ނީޒާގެ ދާދި ކައިރީގައި އެއިން ޒުވާނާގެ ބެލުންތައް ހުރި ގޮތުން ހީވަނީ އެހެން ކަމެކެވެ. އަތުގައި އޮތް މާ ބޮނޑިއާއި ޕާރްސަލް އެތަނުގައި ހުރި ގޮނޑިއެއް މަތީ ބޭއްވުމަށްފަހު، ގެތެރެއަށް ވަނުމަށް ޝަހުމް ހިނގައިގަތެވެ.
“އަނހާ.ޝަހުމް…ތިއައީ އަދި ކިރިޔާ؟…” ނީޒާގެ މަންނަ ނާއިލާ އަށް ދޮރުން އެތެރެއަށް ވަދެގެންއައި ޝަހުމް ފެނުމުން ސުވާލުކޮށްލިއެވެ. އެއަޑަށް ނީޒާ ސިހިފައި ބަލާލިތަން ޝަހުމްއަށް ފެނުނެވެ. އެނުދަންނަ ޒުވަނާއާއި ދެންތިބި މީހުންގެ ސަމާލުކަންވެސް ޝަހުމްއަށް ހުއްޓުނެވެ.
No comments:
Post a Comment