GST

ޖީއެސްޓީ!! ޖީއެސްޓީ!!  ވ           

މުހަންމަދު މައިސޫން                                            08 މެއި 2014 12:35

މިއަދު ހެނދުނު އަޅުގަނޑު ދިޔައީ ފޯނައް ރީލޯޑް އަޅާލަން ފިހާރަޔަކަށެވެ. ގޮސް ފޯނައް އެޅީ 35 ރުފިޔާއެވެ. 35 ރުފިޔާ އަޅާފައި ކޭށިއަރު އަތައް 35 ރުފިޔާ ދިނީމެވެ. ދެންކޭށިއަރު ބުންޏެވެ. އަދި އިތުރު 3 ރުފިޔާ ދޭށެވެ. އެއީ ކޮން 3 ރުފިޔާއެއްތޯ ސުވާލު ކުރީމައި ބުނީ ޖީއެސްޓީކަމެވެ. ނަމަވެސް އަސްލަކީ ކޮބައިތޯއެވެ. އަރާނީ 2.1 ރުފިޔާއެވެ. މިއީ އާންމުކޮއް ހަދާގޮތެކެވެ. އެއިރުން 0.9 ރުފިޔާ ލިބުނީނޫންތާއެވެ. އިންޕޯޓް ޑިއުޓީ ކަނޑާލާފައި އުފެއްދި ޖީއެސްޓީއަކީ ހަރާމްއެއްޗެއްކަމާއި އެދައްކައިގެން ނުވާނެކަމައް ބުނީ ކޮންބަޔެއްތޯއެވެ. މިއަދު އަޅުގަނޑު ގަސްތުކުރަނީ އެބައިމީހުންނައް ރައްދެއް ދޭށެވެ.

 ރައީސް ނަޝީދުގެ ސަރުކާރުގައި ދައުލަތައް ލިބެމުންދިޔަ އާމްދަނީ 5 މިލިއަނުން 11 ނުވަތަ 12 މިލިޔަނައް ބަދަލުކުރީ ވަރައް ކުޅަދާނަ އަދި އެހާމެ ހިއްވަރުގަދަ ނިންމެވުންތަކެއް ނިންމަވައިގެންނެވެ. އެގޮތުން އޭރުގެ މަނިޓަރީ އޮތޯރިޓީގެ ވެރިފަރާތްވެސް ވިދާޅުވެފައިވަނީ މިއީ ކުރިމަގައް އެޅުނު ބިންގަލެއްކަމެވެ. ސަރުކާރެއް ދެމެހެއްޓުމައް އުފެދިގެންދިޔަ ބާރެއްކަމެވެ. އެގޮތުން ރައްޔިތުންނައް މައުލޫމާތު ދީ ރައްޔިތުންގެ ތެރެއިން ކޮންމެވެސް ވަރަކައް މީހުންގެ ނުރުހުން އޮތްނަމަވެސް ފެއްޓިގެންދިޔަ ޖީއެސްޓީ އަކީ މުސްކުޅިންނައް ދެވޭ 2000 ރުފިޔާއާއި އާސަންދައިގެ މައި ބާރަކައް ވެގެންދިޔައެވެ. ނަމަވެސް ހަތުރުވެރިން ބެލީ މިކަމުންވެސް ސަރުކާރައް ޖެއްސުން ކުރެވޭތޯއެވެ.

\

 އިންކަމް ޓެކްސް ގެ ބިލް ފާސްނުކޮއްގެން އުޅެނީ ކީއްވެތޯ މިއީ އުފެދޭ ވަރައްބޮޑު ސުވާލެކެވެ. ސަބަބަކީ މީގެސަބަބުން ރައީސުލްޖުމްހުރިއްޔާއައް ލިބޭ 150000 ރުފިޔާއިންނާއި ނައިބައް ލިބޭ 75000 ރުފިޔާއިންނާއި މިނިސްޓަރުންނާއި މަޖިލިސްމެންބަރުންނާއި މަހުޖަނުންގެ އަތުން އަދަދެއް ދައްކަން ޖެހޭނެތީއެވެ. ގައިމުވެސް އާދައިގެ ރައްޔިތަކައް 30000 ރުފިޔާ މުސާރަޔަކައް ނުލިބޭނެއެވެ. އެހެންކަމުން އެ އިންކަމް ޓެކްސްގެ ބިލް ފާސްނުކޮއް ޖީއެސްޓީއާއި ޑިއުޓީ އާއި އެހެނިހެން އެއްޗެހި ބޮޑުކޮއްގެން ރައްޔިތުން ފެލާލަނީ އެބައިމީހުންގެ ކޮން ހެޔޮހިތެއް އޮވެގެންތޯ ސުވާލުއުފެދެއެވެ.

އޭރު ނެގި ޖީއެސްޓީއާއި މިހާރު މިނަގާ ޖީއެސްޓީއާއި ހުރި ތަފާތައް ބަލާލަމާހެއްޔެވެ. އޭރު ސުންރޭޓުގައި ޖީއެސްޓީ ނެގޭ މުދާކަމުގައިވާ ނެޕީ ފަދަ ޒަރޫރީ އެއްޗެހިން ޖީއެސްޓީ ނެގުމުގެ އިތުރައް މިހާރު އުޅެނީ ޑިއުޓީވެސް ނަގާށެވެ. އެއިރުން ތަކެތީގެ އަގު އުފުލޭނީތޯ ނޫނީ ދައްވާނީތޯ ނުވަތަ އިންފްލޭޝަން ދައްވާނީތޯ މިސުވާލުގެ ޖަވާބު ދެއްވާނީ އަޅުގަޑުމެންގެ އިގްތިސާދީ މާހިރެވެ. ގައިމު އަޅުގަނޑުގެ ކަހަލަ ކުޑަކުޑަ އިލްމެއް ލިބިފައިހުރި މީހަކައްވެސް އެވަރު އެނގެއެވެ. 4 ނުވަތަ 5 މީހުން ދިރިއުޅޭ އާއިލާއަކުން މަހެއްގެ މައްޗައް 5 ނުވަތަ 6 ހާސް ޖީއެސްޓީގެ ގޮތުގައި ސަރުކާރައް ނެގިގެން ދިޔުމަކީ ދީނައްޓަކައި ގައުމައްޓަކައި އައިސަރުކާރުގެ އިހްލާސްތެރިކަން ފާޅުވާ އަލިގަދަ ހެއްކެކެވެ.

ދަރިންގެ އަތުން ފެލާލައިގެން މުސްކުޅި މާމަޔައް 5000 ރުފިޔާ ދިނީމައި އެ މާމަ ކިތަންމެ ހިތްހަމަޖެހުނަސް އެއީ އެ ކުޑަކުޑަ ދަރިޔައް ކިހާބޮޑު ވޭނެއްހެއްޔެވެ. ކުޑަކުދިން ގޮވައިގެން އުޅޭ މީހުންނައް ގައިމުވެސް އެންމެ ރުފިޔާއެއްވެސް ވާނީ ބޮޑު އެއްޗަކަށެވެ. އެހެންކަމުން ދީނައްޓަކައި ގައުމައްޓަކައި އަދި އެހެނިހެން ކަންކަމައްޓަކައި އައި އިގްތިސާދީ ސަރުކާރުގެ ކުޅަދަނަކަމާއި މޮޅުކަން އެއީ ސުވާލުން ފުރިގެންވާކަމެކެވެ.

( ނިމުނީ )